<神兵4>第4期 (宇外流化)

xmen

睇完第四期，兩個字「精彩」﹗小弟並非打手，更唔係龍少既忠實fans(因為冇一套漫畫買齊，呵﹗)，不過今期<神兵4>真係好精彩﹗上天下地入海，難怪龍少之前話要做到死了﹗哈哈~~

整期都環繞住宇外流化黎講，幾幕就可以帶出宇外流化全年白天同全年黑暗既日夜兩界，帶出造型特別既異世界生物。天上既怪鳥，水入面既怪魚，地上既怪花等，每一幕構通都非常豐富，唔係龍少呢d level真係做唔倒架﹗而宇外流化既背景亦絕不比70年代既香港遜色，勁﹗

今期內容有兩幕令小弟印象最深刻﹕

1. 損日拜見穹白
幾格穹白既盔甲已經盡顯其霸氣，只見其背不見其真面目既做法神秘得黎亦見氣勢，正﹗新角色暗翼行天既造型雖然有d熟口熟面，不過都夠晒型呢﹗

2.墨堯現形
估唔到墨堯以呢種方式，呢個形象現身，仲要成個青狼咁唔識講野tim﹗哈哈~~佢同久石焚風既相遇，變身再帶出眾人爭奪一幕既起承轉接亦夠抵死﹗好睇﹗

暫時黎講小弟仲係最鐘意抵死攪笑既主角，今期好多地方都不失佢攪笑既本色，比起傳統滿口仁義既角式，呢個更討好我呢﹗但係最後一頁撕爛件衫o個幕就真係誇左少少~~哈哈﹗其實我覺得掀起已經好夠了。
今期美中不足既係個封面認真唔顯眼，但係睇見下期既封面草稿...嘩﹗真係咩霸氣都返晒黎了﹗期待下期見街﹗

劇情討論
穹白睇黎都唔係好奸者？佢既夢想亦都好似係為宇外流化好咁。如果唔係點會仲留住久石焚風條命呢？不過….400年後穹白同久石焚風仲係好精壯…..異世界d人好長命呀﹗~~
見倒損日同穹白既對白，睇黎佢都係由地球「醒覺」過黎既，坤劫同損日一齊返左去地球既話，唔知會點呢？
背景再由宇外流化返去香港，之前有位版友話如果將70年代既大事，人物(如李小龍)加入埋漫畫度，咁就更加過癮喇﹗而可以o係宇外流化同地球兩邊遊走既設定都唔錯，起碼劇情可以兩邊發展，唔會做死一邊嘛﹗


[ 本帖最後由 xmen 於 19-4-2008 01:13 編輯 ]

David少

今次出書準時,good
在旺角四點幾已經有

大問題王

首先多謝xmen兄嚮小弟其他post既回覆

呢度好多人覆既野都係是是但但幾句~講左等於冇講~

真正肯打下字覆既人真係唔多~哈哈

p.s 我頭先打左半個鐘有多~唔知個網頁出左咩問題~一按Enter換行佢竟然成頁Refresh左一次...乜都冇曬
其實我就覺得呢個FORUM唔多好~D間格又大~如果可以換過其他FORUM可能會更多人睇~


講返第四期~keep到~質素真係ok~由個天打到落海~睇完雖然冇乜大開大合浮誇招數~單睇異世界既動植物都好過癮
講到尾~一本成功既書一定要有自己既世界~而個世界要有血有肉~就要靠龍少同所有工作人員加油喇~

宇外流化~黑夜白天分開~2個太陽6個月亮~巨鳥~有腳火魚~巨型食人植物~
老實講~唔係創新~不過畫得好睇就冇問題~

穹白再次出場~全裸但係又好似有著衫既造形真係幾有霸氣~~個髮型有少少見到~個人覺得真面目會有d似大衛像.....
雖然對住d仔女(損日)同手下~用個光滑既pat背住佢地講野下命令係有d奇怪~不過我覺得唔著衫係同佢通紅既皮膚有關(要散熱乎????)
仲有一樣野~佢背脊個大紋身!!!好似最後一頁~紀個心口出現左紋路~之前白象就因為有刀神兵入體先出現綠紋~咁係唔係代表~
只要身上有紋既人/物~就有神兵嚮體內呢?
如果係咁~大家可以睇下下期封面草圖~穹白手執一把劍形物體(就咁睇劍既造形簡單得有d過份)~
不過加返d detail應該會好好多~係唔係另一把新神兵呢?


墨堯再出場係預左~原來佢仲係TRANSFOMER~想變就變~不過就唔識講野~其實~要同久石焚風溝通~佢頭腦清醒~可以寫字...
當然~要做出一個相見不相識既相遇~何況仲要送主角返去香港~咁安排係必要既~

穹白睇黎都唔係好奸者？我都覺~之前兩軍對壘~兵不厭咋~打仗係咁架啦~~
相反墨堯就顯得冇乜大將之風~名知刀未完成都要打~如果係知道刀係勝負關鍵~寧願自己被殺都應該保住把刀先0岩~
我無啦啦又諗~其實穹白既能力會唔會來自佢既戰甲?即係戰甲就係佢既神兵?
佢只會赤身於"自己人"前~係唔係因為"戰甲"有副作用~令佢唔可以長時間裝著呢?

xmen

原帖由 大問題王 於 8-3-2008 10:51 發表
首先多謝xmen兄嚮小弟其他post既回覆

呢度好多人覆既野都係是是但但幾句~講左等於冇講~

真正肯打下字覆既人真係唔多~哈哈

p.s 我頭先打左半個鐘有多~唔知個網頁出左咩問題~一按Enter換行佢竟然成頁Refresh左 ...

穹白今期出場真係好有霸者風範，有北斗雷奧既風格﹗赤裸既穹白小弟又唔覺咩大問題，更覺佢大男人不區小節呢﹗呵呵~
不過如果畫得佢再大隻d就good喇﹗哈﹗

而墨堯咁樣出場真係幾驚喜﹗開頭仲諗住佢只會一直困o係把刀入面tim﹗不過睇黎佢呢400年都係第一次變返「人型」既，因為佢岩岩先知自已係怪獸身體，或者要去到宇外流化佢先有能力變身都未定。佢同久石焚風相遇一幕-->變刀-->引起爭奪-->返去香港。我覺我個起承轉接做得好好，令到劇情更加緊湊。問題王您話可以用寫既，不過一來唔知異世界有冇文字，二來久石焚風都唔會俾時間隻怪獸寫字，所以情急之下佢變身係正確既。^_^

雖然獨立黎睇今期真係好正，不過整體黎講<神兵4>既主線都仲未清晰，起碼宇外流化班人為咩而打都冇交代到。真係要慢慢睇落去呢﹗龍少加油﹗^__^



**我都有打打下全部內容REFRESH冇晒既經驗，所以都係o係word打左再copy落去唷﹗呵~~**

David少

如果兩位唔介意,我又join黎吹兩句水
其實我就覺今期神兵都算幾好,交代左一d宇外流化的環境同生物,比讀者知清楚d個環境,可能只係過場,不過都有怪鳥,怪魚,食人花(monster hunter),全年白天同全年黑暗,(南北極強化版)起碼都叫有d特色設定,very good
至於有返回地球的設定,就令我有少少意外,因為兩地環境唔同,成日穿梭唔知有冇條件限制,或者是要時間適應,or一日一次之類,又或者地球一日,果邊十日之類,太多細節,希望龍少可以編排好d
最後關於穹白,我都覺佢應該有神兵/結晶在身,d花紋又令人聯想到結尾天仔身上果d,睇下下期佢有冇講
至於穹白作為大佬,著戰甲遮住,我就覺e個設定一般la,因為好似同人講作者仲未諗到佢個樣,so叫佢做住幪面超人先,之後原來係個後生仔,你見以前火雲邪神,天地盟主就知...

xmen

原帖由 David少 於 8-3-2008 13:27 發表
如果兩位唔介意,我又join黎吹兩句水
其實我就覺今期神兵都算幾好,交代左一d宇外流化的環境同生物,比讀者知清楚d個環境,可能只係過場,不過都有怪鳥,怪魚,食人花(monster hunter),全年白天同全年黑暗,(南北極強化版)起 ...

梗係歡迎一齊吹水啦﹗
david兄提過穿越人間渡既設定，我估係要靠晶體先可以咁做。「坤劫損日」怕且都有晶體or晶體既力量，我估佢地原本都係地球人，咁佢同穹白既對白就合理多喇﹗

(**今期有一個疑似大bug，就係當穹白問損日可唔可以自由控制穿越人間渡既時候，損日答未能控制自如，之後穹白答佢「好﹗」，我睇到有d奇怪，之後見損日可以自由出入人間渡後，相信係對白有錯。)

至於穹白既造型小弟就buy (再大隻d)，但係留意佢地400年後仲係咁勁揪，龍少要講下宇外流代一般人有幾長命，俾個概念我地班讀者先好唷﹗唔係講到佢地有一萬歲命既話，我就會諗起另一本港漫架喇﹗呵呵~~~

大問題王

HIHI~哇~大家都覆得好快~
David少~當然歡迎啦~睇完本書有人一齊吹下水不知幾開心
我都同意~今次神兵關鍵都係嚮 "晶體"度~

而每一個人都有自己主題色
紀辰天--綠
久石焚風--紅
穹白--紅白
墨堯--黑
所以如果下一次有個有主題色好鮮明既人物出場~都應該係重要角色之一

穹白呢個大佬~我覺得佢未必係人樣~可能會玩大D~
係一個獸頭人身都唔定~人地對頭墨堯都有對角啦!!
全身紅色~佢又識變身~話唔定搵一次佢出場變個"大聖玩"出黎玩下都唔定~~

400年命都唔係好長~齊天大聖~嚮個五指山度一壓就500年啦~
當然~真係要交付一下個時間背景~如果唔係~紀辰天去一去地球就過左幾十年~
咁個故事都好難寫落去~不過我諗兩個地方時間觀念係一樣既~
因為古刀之前又去過印度~又幫國王建立左個國家~
再展轉黎到香港~咁400年都唔太誇~

David少

兩位唔介意就最好,因為本人賴打字,d回覆都好簡單[[bao_34]]

其實我最驚由於兩地時間觀念差太遠,會令到個故事發展出一d意想不到ga悲劇,例如天仔可能想救某個人,點知被人開人間渡拉左返地球,之後天仔已經立即開人間渡返過去,都過左一個月......

如果兩地時間觀念一樣,都要解解果邊d人點解咁長命?雖然果邊水中都可以呼吸,地球上的知識已經唔啱用......(以前好似睇過外國台節目,人類身體大部份器官都係可以用100年左右就會退化,400年都仲keep到,簡直係長生不老)

其實我見到今期封底,就期待之後有場精彩的打鬥大場面,因為4期真係打的場面真係好少,希望10期內有la......

南龍介

原帖由 xmen 於 8-3-2008 13:42 發表


梗係歡迎一齊吹水啦﹗
david兄提過穿越人間渡既設定，我估係要靠晶體先可以咁做。「坤劫損日」怕且都有晶體or晶體既力量，我估佢地原本都係地球人，咁佢同穹白既對白就合理多喇﹗

(**今期有一個疑似大bug，就 ...

人間渡應該係講緊天仔
話佢未識拿控

wood2046

今期真係咁「精彩」？
今期劇情我個人認為真係太虛空，好似特登為左交代「宇外流化」為入而入咁，乜野雀仔、怪魚同植物我真係冇乜興趣睇，又唔係奪寶奇兵，對往後劇情又唔會有太大影響，咁又何必浪費篇幅去交代呢？老實講如果你問我睇完今期，我未必想睇下一期，因為結尾真係太無吸引力，就算咁多位大大起度狂插我都係咁話，忠言逆耳、絕非搞事