<神兵4>第5期 (四面受敵)

xmen

如果閣下覺得之前幾期冇追看性，封面唔靚既話，今期相信可以滿足所有要求了﹗最後阿天，坤劫，沙曼洛，仲有勁人穹白齊集香港中環警署。再加埋阿天體內既墨堯，真係好鬼四期待下期呀﹗

坤劫現身中環警署一幕已經夠型(由佢對腳出場開始，好鬼四鐘意龍少既分鏡)，誰不知最後一頁見倒穹白仲霸﹗相信下期將會係第一個高潮，不過點睇都唔會打到七彩既，因為實力真係相差太遠了........

上期環繞宇外流化既特式黎講，今期就著重主角既描寫﹗紀辰天個名都幾得意，雖然冇問天個名咁有雅興，不過睇得出有心思度過，good﹗另外第二期對沙曼洛，阿西，葉青既性格都有描寫，幾好。而睇專欄發現自已鐘意既男女同體係黃易老師既idea，唔怪得咁正啦﹗唔知兩把劍拔出黎之後既坤劫損日係咩造型呢？

除左坤劫損日之外，專欄亦都提過白象古刀既奇怪設定，原來係內有乾坤既，呵呵~~又睇下龍少點講把刀啦﹗而沙曼洛竟然同穹白有關係，woo~~唔知係咩呢？期待﹗

之前小弟彈過d封面唔夠搶眼，下期<神兵4>就型喇，推出坤劫､損日雙封面，呢兩期既封面都有進步﹗讚﹗

不過今期依然有d多餘既旁白，第22頁小弟就認為冇旁白既話會更好喇﹗唔知大家又點睇呢﹗

[ 本帖最後由 xmen 於 19-4-2008 01:14 編輯 ]

列斯

xmen兄道出我對今期嘅心聲!!!
直到今期末後影住穹白開翼,我都未估到穹白黎咗地球!
但到最後一頁,的確係赫親!
仲有坤劫坐係櫈時,果種陰森感覺都做得好好!
期待沙曼洛點同穹白大鬥法!

最後衷心希望龍少唔好鬆懈,個朵食粥食飯就睇今次嫁喇!

~{戴浩光}~

旁白我認為更多其實會更好好好好.......[[bao_37]]

[ 本帖最後由 ~{戴浩光}~ 於 14-3-2008 23:02 編輯 ]

~{戴浩光}~

雙封面.......會令我洗更多錢......[[bao_50]]

David少

你問我今期神兵點,我都會讚好,因為可能有黃易先生編劇的關係,以小說的方式編劇,所以開頭有d悶,都係文戲多d,我覺大唐雙龍蝕,邊荒傳說頭幾期都幾悶......

但今期d要角開始聚集,連穹白都出埋,相信之後幾期都會幾吸引
而且今期個封面真係唔錯,究白好有氣勢,有d boss feel, good
仲要在內文最後一頁出跨頁特寫,內外呼應,非常好,令人印象好深刻,不過我以為e d招數多數用在創刊號之類

至於要彈的地方,有幾個
1.第6頁秀樹無lala多粒墨
2.雷探長咁好眼力,幾層樓高都望到車上的人是誰勁
3.第9頁損日的落點好奇怪
4.坤劫個樣衰左好多,特別33頁

我都明以上的都是小問題,不過龍少fans都對d圖有多d要求,幅幅都分色準,圖靚,第4點真係好難接受law,希望神兵4的工作人員可以多加注意

至於下期雙封面,我都係買損日算,本來我都對坤劫有多d好感,不過第33頁個奸笑......買靚女好過
關於白象古刀實物,我有好大的期望,希望上色,刻紋可以跟足原著,如果真係做得靚,我唔介意俾多$15-20,最緊要值得,如果成本高,靚d的上多色象刀出特別版我唔mind

~{戴浩光}~

33頁坤劫個樣好似女性.........(神態)

大問題王

XMEM兄
辛苦你又打左個大綱出黎
等我又覆下先~
我個人幾鐘意今期~真係好好咁寫出左幾個角色既背景同性格
辰天個名既來源真係幾過癮~好彩D字化左~如果唔係我地主角就叫紀農夫(笑)
今次亦再次交代左辰天唔係"香港人"~亦都再次深化左佢"植物殺手"既形象~
唔知係唔係有心畫定我有心睇~
大家可以細睇下佢嚮孤兒院門口一幕~佢背後既大樹係枯樹(冇乜生氣)~仲好似有落葉...
如果係因應佢"植物殺手"既特質而畫~咁要真係抵讚喇~

其實我突然又諗到一個問題~如果一路落去~紀都係"植物殺手"~
咁畫背景既就要小心唔好畫到有植物嚮佢身邊出現喇~

至於左右刀~都係一個好過癮既設計~
睇埋後記~就更加期待佢左右兩刀齊出會變乜野
我有一個強烈感覺--當雙刀一齊出~會變做一把神兵~封面穹白0個把!!!
大家有冇咁諗過呢??

[ 本帖最後由 大問題王 於 15-3-2008 12:24 編輯 ]

~{戴浩光}~

什麼是左右刀?怎樣會有一柄神兵????

大問題王

原帖由 ~{戴浩光}~ 於 15-3-2008 12:24 發表
什麼是左右刀?怎樣會有一柄神兵????

其實我都留意左浩光兄一段時間
睇睇你登記日期同你POST既"數量"之多.......我唔多講喇

兩把刀分別拔出就會變男/女~~~其實本書底頁都已經提過~
上面亦有師兄再講多次~都話好鐘意呢個設定~
建議你覆每個POST之前~可以睇睇我地每位打左D乜野先~
用心睇~用心覆就自然會明白~

[ 本帖最後由 大問題王 於 15-3-2008 12:36 編輯 ]

~{戴浩光}~

雙刀齊出就會變做一把神兵?有可能喎........