<神兵4>第7期 (滅亡之石)

xmen

「你老闆丫﹗唔係呀嘛？」今日o係街睇到最後一頁不禁彈出呢句﹗真係估唔倒龍少會咁樣整死沙曼洛，仲要係講到明死硬冇返生tim﹗雖然知佢都會以神聖身份登場，不過都好震撼呢﹗very nice﹗

上期水準一般(不過已經好高，係我地對龍少要求更高者﹗)，今期又回勇喇﹗交代左唔少宇外流化既背景；神聖唯我獨尊既超然地位，佢手下6位神使既分佈，佢現身香港既原因.....等等

而原為其中一位神使「穹白」既叛變過程就幾好睇了，穹白o係初出場已經覺得有d北斗既雷奧feel，今期見倒全相後就更加覺得似喇﹗嘻嘻~~而叛變經過就帶出更多問題﹕神聖做錯d咩令到穹白咁嬲？神聖點解會有「最弱」既時候呢？

新人物「無根」「頑石」同埋用滑板既驚雄造型特別，反觀女角心藍就麻麻地了，第20頁既大頭仲有d肉酸tim﹗阿天既「我來自香港」既對白亦都好抵死~~哈哈﹗

至於打鬥場面就處理得好好喇，除左龜波氣功...唔係，係久石既「氣捲焚雲」型爆之外，佢地既格劍過程都非常精彩﹗阿天既盤根纏亦都寫得唔錯，抵讚﹗但係就略嫌久石坤劫既對決過程太多旁白，好似第26頁冇旁白既話，小弟就覺得更一氣呵成喇﹗唔知大家點睇呢？


今期真係唔錯，封面都好靚，只係睇唔慣成熟既阿天....希望佢會繼續保持幽默啦﹗

[ 本帖最後由 xmen 於 19-4-2008 01:16 編輯 ]

大問題王

xmen 兄~大問題王又黎喇~
冇錯~今期尾見沙曼洛一開二真係好震撼
一開始見草犒都有佢份既人竟然咁就去左(當然佢遲d會以神聖既身份出場啦)
咁請法~穹白同神聖明顯敵對~咁即係~沙曼洛(神聖)元神歸位之後係唔係變左同紀辰天同一陣線呢?
神聖封印自己既方法~係將自己封嚮滕塚~都係同植物有關~如聯手又會唔會相沖呢?

穹白見左全相~好霸~感覺係雷奧+街霸3個白頭底褲佬既合體~
吸左神聖力量身體轉紅~令我諗起侍魂角色怒爆發之後既樣
齋睇個造型都覺得好勁呀~

神聖與敵同亡~唔係~應該係話同宇外流化同亡~令宇外流化邊緣開始消失~
我諗下期~神聖"返屋企"之後~應該會令宇外流化回復正常

另外有件事想提一提既係~
聽穹白同坤劫既對話~~損日好似唔係100%服從穹白~
總覺得佢同神聖有D關係~
暫時資料太少~未估到住

久石焚風~你型曬啦今期!!
雖然你抄穹白句對白~不過你一直練左幾百年咁勤奮~抵你威既~
呢個角色開始有血有肉~好好~

下一期~紀辰天應該有好大進境~
書名都話佢一日千里~
原來佢唔只吸植物力量~仲可以吸收對手能力為己用
咁~對住一D唔係"植物類"既對手~~吸唔吸到呢?
定係到時又有新招~可以將種子植入對手身上~就可以吸取對手部分能力呢?

至於封面
今期真係好靚~古刀泛綠真係好吸引~
紀辰天亦高左科左~當然同一句~唔好因為佢成長而令佢"低能性格"冇左~
紀辰天就係多多廢話加低能先好睇~

brightism

今期內容好精采，我睇果陣睇得好入神，劇情好有驚喜
本人十分期待下期快D出，但好怕心準會KEEP唔到
(如果係有質數既，我個人覺得再貴幾蚊我都會期期買囉
買少2枝野飲..買少2包檸茶...都夠買神兵啦) 題外話

「無根」「頑石」「驚雄」仲有「心藍」..
我硬係覺得好「神奇四俠」FEEL....每個「隊員」有自己既絕招...
而無根打紀辰天果度，就即刻學左佢既身法...避開頑石既攻擊...呢度構思幾好
特別係驚雄踩住滑版出場，好有高科技既感覺
心藍個名幾好聽，但係個樣麻麻地喇就

久石焚風，穹白，本原應該係神聖統治下面既六個族之一既首領(神使)
即係久石焚風 同「墨曉」應該係差唔多LEVEL (見佢地六個族首領張全身相)
但係之前比我既感覺係：成個宇外流化得「墨曉軍」同埋「穹白軍」...
而且我之前仲覺得久石焚風係「墨曉」既打手..因為佢幫「墨曉軍」打
仲好似係墨曉既下屬添!!
「焚風叔」同坤劫打好精采!!!

另今期既景好似冇咁仔細


再補充：
沙曼洛死左真係好突然，估佢唔到，有幾個問題：
1. 佢死之前，佢話此地不可久留，佢知會有殺身之禍? (佢覺醒左，記番晒之前神聖既事?) DECTECT到穹白搵人殺佢?
2. 之前葉青查緊佢(跟蹤)，冇講番咩事，而家沙曼洛就死左 (之前查沙曼洛被佢上司叫停) ，伏線要交代番
我估係因為沙曼洛本身有黑幫背景先要查佢，但係之前又煞有介事咁講業葉青吊佢尾，根本「葉青一出場就跟蹤緊沙曼洛」...而家就咁死左-.-


另外：
之前「墨曉軍」同埋「穹白軍」打，墨曉入左把白象古刀去左人間
咁之後400年黎把刀一直係人間流傳，之後冇講「400年間」宇外流化有咩事發生
但問題黎喇，咁今期講「400年前一個六月成環夜界」穹白趁神聖弱，就以下犯上吸佢能量，神聖封印自己
時間BUG出現了，「400年前穹白已經同墨曉打緊，而且穹白已經係以霸主身份出現」
咁即係「400年前一個六月成環夜界，穹白神聖果單野比呢個400年前仲早多400年????」

[ 本帖最後由 brightism 於 29-3-2008 10:42 編輯 ]

brightism

補充：
「無根」係植物屬性
「頑石」地屬性(石)
「驚雄」雷電屬性 (見佢雙手有電)
「心藍」唔知 (唔好話我聽係 念力-.-)

David少

其實我覺得今期最好的地方就係龍少話改劇情而整死沙曼洛,仲要係死硬.
佢講到咁其實比好多故事好,如狐忍的自來也,大蛇丸,死左都留條尾,有機番生,好麻煩......
不過今次龍少一個人度橋,希望令人驚喜,show下龍少的編劇才能出黎,一洗之前的頹風

至於今期內容,都交代左好多故事的支節同背景,令人對宇外流化有更多認識,good.
不過原來仲有咁多"閒角"未出,應該會有d人山人海的情況出現

今期亦比機會show下久石焚風的實力,原來佢都進步唔少,有得同穹白鬥一鬥,咁都有d安慰,話晒練左400年功,haha

至於紀辰天的進境,我就希望唔好太胯張,當然要比常人快(鬼叫佢係主角),但都要有合理解釋
始於佢有copy招式的異能(!?)真係開始有d作弊feel,再黎練一日功等於人地十年,咁真係玩晒,其他人真係0存在價值,so sad

xmen

原帖由 大問題王 於 29-3-2008 09:49 發表
xmen 兄~大問題王又黎喇~
冇錯~今期尾見沙曼洛一開二真係好震撼
一開始見草犒都有佢份既人竟然咁就去左(當然佢遲d會以神聖既身份出場啦)
咁請法~穹白同神聖明顯敵對~咁即係~沙曼洛(神聖)元神歸位之後係唔係變左同 ...

神聖擁有既生命之石(冇書o係手，個名可能有錯)俾墨堯分做一半，紅色晶元入左損日體內，綠色既入左辰天度。
所以損日同辰天都應該從屬神聖既，因此久石至會話損日跟錯主人囉﹗

我估係咁。嘻~~

David少

其實我就覺得可能係晶元入左穹白個跟班坤劫身上,被佢的性格影響到,所以晶元個性格損日都跟住穹白

xmen

原帖由 brightism 於 29-3-2008 10:18 發表
今期內容好精采，我睇果陣睇得好入神，劇情好有驚喜
本人十分期待下期快D出，但好怕心準會KEEP唔到
(如果係有質數既，我個人覺得再貴幾蚊我都會期期買囉
買少2枝野飲..買少2包檸茶...都夠買神兵啦) 題外話

「無 ...

同意brightism講，今期同第5期一樣可以稱得上係精彩﹗自已都好期待阿天下期進步既過程呢﹗

新人物真係幾有心思，「神奇4俠」乎？哈哈﹗講起又似似地wor~~嘻﹗

小弟都覺久石第一期真係似足墨堯打手，希望唔會係寫寫下改動既地方啦﹗你都可以話久石一向獨來獨往，係freelance咁幫手都講得通既。但係400年前既戰事，當時除左穹白､久石､墨堯之外？仲有3個部族架？佢地去左邊？點解唔幫手？龍少同彬彬要認真度度去至得喇﹗
至於400年黎發生左咩事？點解要等400年先去搵返白象刀？點解久石同神聖軍要等左400年先打算反穹白？點解宇外流化d人咁長命？等等等等....真係要好好解釋下。小弟由第3期開始奇怪呢400年既問題。快d有多d線索就好喇﹗
至於穹白既叛變神聖，同之後墨堯軍 &穹白軍對戰，小弟就理解為穹白反神聖，墨堯唔服要推翻佢，所以先開戰，好似冇咩問題呀呵？我估穹白叛變，除左權力之外，實關女人(葉青??)事，唔知會唔會估中呢？哈哈﹗

其實葉青跟沙曼洛條line可以話完左卦？因為個鬼佬阿頂叫佢唔好查(都係警方同黑社會勾結之類者~)而葉青都諗住辭職囉﹗但係可能因為沙曼洛既死，令佢去追查，接觸倒宇外流化都未定呢？

xmen

原帖由 David少 於 29-3-2008 10:43 發表
其實我覺得今期最好的地方就係龍少話改劇情而整死沙曼洛,仲要係死硬.
佢講到咁其實比好多故事好,如狐忍的自來也,大蛇丸,死左都留條尾,有機番生,好麻煩......
不過今次龍少一個人度橋,希望令人驚喜,show下龍少的編劇 ...

總之今期龍少整死沙曼洛就真係型﹗睇專欄仲要話係自已靈機一觸，哈哈﹗自已生意果然唔同d呢~~(笑)

主角既進步應該慢慢黎，當然由阿天零跳到損日既level係太誇，不過起碼要識自保，同埋保留阿天既植物特色，好似今期既盤根X既招式，加埋D植物背景就岩晒阿天呢位PLANT KILLER喇﹗希望佢唔好吸星大法咩都吸，只係吸D植物類人型就好了﹗^_^

David少

原帖由 xmen 於 29-3-2008 11:15 發表


總之今期龍少整死沙曼洛就真係型﹗睇專欄仲要話係自已靈機一觸，哈哈﹗自已生意果然唔同d呢~~(笑)

主角既進步應該慢慢黎，當然由阿天零跳到損日既level係太誇，不過起碼要識自保，同埋保留阿天既植物特色，好 ...

如果only吸植物人,好似唔係咁有用,但人人都吸,又好屈機,好矛盾