龍少！08年鼠年啦！唔好再俾人話“龍”頭“鼠”尾啦！

lazydog

龍少！08年鼠年啦！唔好再俾人話“龍”頭“鼠”尾啦！

性格決定好多野！儘管龍少有全行公認的最強橫的漫畫天份，但“有頭威無尾勢”一直系外界對龍少出品的評價之一！所謂“生於憂患、死于安樂”，以前龍少一直依附在大公司，安於現狀，做個美術總監，偶爾出一兩部作品，無危機感、無壓迫感，創作無動力，難以有持之以恆的水準發揮，久而久之作品水準每況愈下。07年的《火雲》稍有起色，但僅屬短篇虛火，持久力先系真正體現創作人水準同維持公司生存的唯一標準。
但到了08年就完全唔同啦，龍少你已經做埋老細、出品人兼創作人，一大班手下等住你開飯，如果再唔一改“龍”頭“鼠”尾的缺點，作品再唔用心做好，試問你點對得住班手足，點對得住班忠實讀者！？
睇過《神4》創刊，製作水準仍能維持《火雲》的高位，縱觀現時其他同期漫畫，就製作水準而言，幾乎無邊本可以比得上，甚至比起其他漫畫高出好幾皮波（肥良本武神要靠重重複複翻用彩稿偷懶、和仔本殺道穩多張彩稿都好難），分鏡構圖、彩稿品質等都盡顯龍少功力！
不過贊的說話在龍少每一本創刊面世時都聽唔少，但之後呢？好似《小魔神》甘，頭威仲犀利啦！到中後期簡直可以講系敷衍了事，極不負責任！而且以前有個非常唔好的缺點，就系中意在畫展推出新作。好似《龍神》，系都要放在畫展期間創刊，雖然宣傳效果會好D，但就更伽糟蹋正在寫的《小魔神》，本來都已經寫無可寫，畫面粗燥，系都要拖到新書出。
新公司首先要做好一本書先，唔好想太多其他野，甘樣先有維持的本錢。至於神兵的題材，其實都系依附大公司的品牌，未必會發揮到龍少的創作力。不過如果要讀者再看龍少一貫的仿照美國乜乜俠的漫畫題材（例如：小魔神、龍神），又真系悶蕉左D。點講都好，先追求銷量和利潤，讓公司穩住腳先，之後再慢慢考慮發展和創作的取向。
最後講一句：神4的製作，掂！龍少的作風，改！