今期有頗多資訊提供,例如「神兵會」既成立原因,「魔兵」何以流落人間,龍旋、消魂既往事等,都交代得唔錯。
開頭神聖同希魔一段比較悶,特別係神聖「要贏人先要贏自已」呢part更加醒目,可能最近幾期見得太多幻影、靈魂,睇到有d嫌了。
反觀阿天&神兵會既追逐戰漸漸變得緊湊,龍旋今期亦大有發揮,比起主角出左十幾期既界殛更加搶鏡,龍旋招式名同龍氣勢亦配合得唔錯,抵讚﹗
最後歸隱令出場,南海既反應至最後百渡出現都顯得一氣呵成,引讀者追睇下期歸隱令VS分天。不過阿天同神兵會都打左幾期,下期仲唔完既就太拖長黎做唷﹗希望可以快D打完,睇返宇外流化穹白點收拾神聖軍啦﹗
今期神聖再次話宇外流化所有野都係佢創造既,再次勾起小弟對當佢知道穹白要叛變時點解唔整死佢既疑惑,難道真係乜鬼6星連環對佢影響咁大乎?差d唔記得神聖掉左粒滅亡之石入維港tim,相信龍少唔會唔理粒石卦?呵呵~~
書名同內文掹車邊都叫有關係,唔似前幾期咁文不對題,而預告亦都冇咁難明。希望龍少繼續努力啦﹗ |