<神兵4> 第15期 (天地無情道､同體大悲心)

xmen

故事由百渡回憶開始，憶述廿年前同其他神兵會成員圍剿迅雷既情形。迅雷因要消滅地震獸，所以令到神兵會一眾人物有機會攻擊佢。龍少話呢段回憶本來有好多地震場面，不過因為四川既關係，所以將所有地震稿唔要，著重畫返迅雷力敵地震獸同百渡等人既情形。之前版友話迅雷成個超人咁一d都冇錯，除左識飛之外，仲學曉鳴門既影之分身術，個設定太誇張喇卦…？回憶方面由百渡加入迅雷同其他配角既戰事暫停，鏡頭又返去現實。

上期尾阿天既替身使者(見日漫jojo)迅雷現身，再次同幾把上古神兵打過。究竟迅雷點解會無端端出現既？唔止阿天，相信讀者都睇到一頭濛水。話阿天記返前生既事而功力大進我明，但係進步到前生變成替身使者咁就真係有點兒那個喇。希望龍少呢幾期好作出合理解釋啦﹗迅雷打到無耐阿天回過魂，力壓迅雷呢隻鬼，但係就馬上遇到「消魂」同「龍旋」既夾擊，就o係呢個時候，百渡再次出黎打完場，幫阿天擋晒d攻擊。

最後一part就講神聖同穹白對話，穹白好老定咁講宇外流化班蛋散3日後都唔會成功，因為佢已經由陰極奇石鑄煉左「冥空」出黎，(情況同墨堯鑄造界殛一樣)我估最適合既使用者相信就係陰極晶元既損日喇﹗

神兵會既出現豐富左個故事，但係一個冇成立既目的，組織架構既神兵會睇到大家好亂呢，真係要快d解說一下至得唷﹗

今期「消魂」同「龍旋」都各有表現，好似「消魂」子劍分離而成既「消魂脫骨」幾攪野。不過話明「魔消魄．人斷魂」，之前個道長用「消魂」時攪到冇左隻手，有乜理由個黑鬼用極都冇事架？又要解釋喇﹗
另外，龍旋纏o係老人家身上，再可以化成不同造型既設計唔錯，自已都幾鐘意喇﹗唔知大家點睇呢？
而家神兵4係宇外流化､香港現代､迅雷回憶等3方面既情節，而派系有墨堯軍､神聖軍､阿天､神兵會､沙門軍等等.....之前舖落既情節亦唔少..

• 葉青同穹白既關係
• 穹白複製人既技能
• 阿天心藍驚雄既3角感情線
• 神聖去香港既目的
• 坤劫損日二位一體既原因
• 宇外流化400年黎發生咩事？
• 點解要等400年先去香港搵阿天？

龍少文敵千祈咪唔記得，越畫越亂唷﹗

[ 本帖最後由 xmen 於 2-6-2008 23:52 編輯 ]

anson45hg

我睇完今期之後....

我覺得今期冇咁好睇...
雖然劇情同樣緊張刺激....

但將個劇情轉來轉去,,,轉左3part...
我就真係覺得有點兒亂...
劇情轉來轉去確實ok,,,
但唔好轉得咁快咁多...
咁樣好令讀者愈睇愈亂...

值得一讚既係...
今期既封面超得...
穹白同紀辰天既打鬥場面梗係唔話得~~
但估唔到個背景係香港70年代既樓宇街道...
確實值得一讚!!

神武光輝

[[bao_46]]依然精彩，繼續支持！

靛．羽．風．蓮

今期那個雙手藏在衣袖的人，如果再加副墨鏡，我還以為霹靂布袋戲的業途靈來神4客串了呢！呵呵．．．

ydtjqq

加入了剑仙的元素 不错不错  希望那个御剑飞行能更酷一点

amanolee

[[bao_29]] 神兵會D人feel到所為魔人，係咪妖獸！
[[bao_35]] 因為同時出現(雷訊)有D誤會？

~{戴浩光}~

白渡超型![[yoyo_156]]

人情惡

最後一part應該係穹白同神聖講
唔係墨堯

xueza1

回帖是美德,??分享

?奇外?外挂
?仙外挂
自由幻想外挂
地下城与勇士外挂
?奇世界外挂